“İşığa doğru” sənədli filminin istehsalı tamamlandı

“OB FILM” və “KİNOBİZ FİLM" şirkətləri olaraq birgə istehsal etdiyimiz “İşığa doğru” sənədli filminin istehsalını tamamladıq.

Ərşad Əliyev, Rəsul Kamal və Elşad Ərşadoğlunun iştirak etdiyi filmin ssenari müəllifi və rejissoru Elşad Ərşadoğlu, təsvir rejissoru Vasif Vəlizadə, səs rejissoru Hafiz İbrahimli, montaj rejissoru Murad Şükürlu, rəng korreksiyasını edən Etka Kızıltepe, prodüserləri Ramil Ələkbərov və Orxan Behbiddir.

Filmdə sübh tezdən ata, oğul və qardaşoğlu illər sonra işğaldan azad olunmuş kəndlərinə doğru yola çıxırlar… Bu səfər zamanı onlar müharibənin törətdiyi dağıntılar altından 30 il əvvəl itirdiklərini – doğmalarının məzarını, uşaqlıqlarını, gəncliklərini, bir sözlə keçmişin izlərini axtaracaqlar…

Görəsən, keçmişin qaranlıqlarını işığa çıxarmağa çalışan qəhrəmanlar dağıntılar altında xatirələrdən başqa salamat qalan nəsə tapa biləcəklərmi…

Filmin ilk tizerini təqdim edirik.